ჟანრი: სამეცნიერო ფანტასტიკა

ყდის ტიპი: თხელი ყდა

ავტორი: დაიანა უინ ჯონსი, ურსულა კ. ლე გუინი, გიორგი კვიტატიანი, ნუგზარ აფხაზავა და სხვა

გამომცემლობა "მედუზას" წიგნების სრული ნაკრები, თუ აქამდე არ გიმოგზაურია ამ ფენტეზი და სამეცნიერო ფანტასტიკურ სამყაროებში ესაა შენი შანსი!

ფენტეზი ორი წიგნით არის წარმოდგენილი, აქედან ერთი თარგმანია, ხოლო მეორე დებიუტანტი ქართველი ავტორი: დაიანა უინ ჯონსის "ჰაულის მოსიარულე ციხე-კოშკის" კითხვისას ინგარის ზღაპრულ, მაგრამ საკმაოდ სახიფთო სამეფოში შეაბიჯებთ. აქ შვიდმილიანი ჩექმები და უჩინმაჩინის მოსასხამები არავის უკვირს, ხოლო ყოველ გვერდზე ახალ ხიფათს უნდა ელოდო, რადგან, როგორც ერთხელ კალციფერმა ბრძნულად შენიშნა: "ჯადოქრის სახლში უსაფრთხოდ ვერ იქნები"

გიორგი კვიტატიანის სადებიუტო "ბრინჯაოს ქალაქსაც" შეიძლება ნაკლებად ზღაპრულ, თუმცა უფრო სახიფათო სამყაროში გადავყავართ. სადაც წარსულის ტრაგედიით გატანჯული აკე ცდილობს იკარუსის მსგავსად შეეხოს მზეს და მაგიით და მისტერიებით სავსე ეს გახრწნილი სამყარო არანაკლებ გახრწნილი მეთოდებით ამოატრიალოს.

სამეცნიერო ფანტასტიკაც როგორც ქართველი ისე უცხოელი ავტორებითაა წარმოდგენილი:

კრებულში, "დროთა კავშირი", 1967-1984 წლებში გამოცემული ქართული სამეცნიერო ფანტასტიკის გამორჩეული ნიმუშებია თავმოყრილი. "იანუსი" ქართული საიფაის ყველაზე ნაყოფიერი ავტორის, ნუგზარ აფხაზავას აქამდე გამოუქვეყნებელი ნოველაა. "ზეცის ჩარხი" კი ურსულა კ. ლე გუინის 1971 წლის რომანია, სადაც ავტორი ჯორჯ ორრის ამბავს გვიყვება, ადამიანისა რომლის სიზმრებსაც რეალობის შეცვლა შეუძლიათ, და ამ პრიზმიდან განიხილავს თანამედროვე სამყაროს პრობლემებს.