მთარგმნელი: ნანა ჯანაშია

თანამედროვე თურქი მწერლის, ნობელის პრემიის ლაურეატის, ორჰან ფამუქის ბოლო რომანი „წითური ქალი“ 2016 წელს გამოვიდა, მრავალ ენაზე ითარგმნა და მწერლის სხვა, უკვე საქვეყნოდ ცნობილი რომანების მსგავსად, თურქეთის გარდა, ბევრი სხვა ქვეყნის მკითხველების აღიარება მოიპოვა.

„წითური ქალი“ სიყვარულის ამბავს მოგვითხრობს. ისევე, როგორც ფამუქის წინა რომანებში, მოქმედება აქაც თურქეთში ხდება, ამჯერად _ სტამბოლის მახლობლად, პატარა ქალაქ ონგორენში, თურქეთში მიმდინარე ისტორიული მოვლენების ფონზე. ესაა ამბავი ნაწარმოების მთავარი გმირის, ლიცეუმის მოსწავლის, ჯემ ჩელიქისა, რომელსაც შეუყვარდება იდუმალი, ბევრად უფროსი წითურთმიანი ქალი, მოხეტიალე თეატრის მსახიობი, რომელიც ყოველ საღამოს მაყურებელს ძველ ზღაპრებსა და თქმულებებს უამბობს. ჯემ ჩელიქი პირველად გამოცდის ძლიერ სიყვარულს, ეჭვიანობას, თავისუფლებისა და პასუხისმგებლობის გრძნობას. ოცდაათი წლის შემდეგ კი ისევ შეხვდება თავის წარსულს...

და კიდევ, ესაა ამბავი საშინელი ცოდვისა, რომელიც მთელი სიცოცხლის მანძილზე სდევს თან მთავარ გმირს, ბედისწერას კი ვერავინ გაექცევა...