ჟანრი: პოეზია

ავტორი: დავით წერედიანი

გამოცემის წელი: 2020

ენა: ქართული

დავით წერედიანი – განუმეორებელი ტალანტი, რომელსაც ფასი ხალხმა დაადო, და ეს იყო ერთ-ერთი ნიშანი გენიალობისა. 

მან მოჭრა თავისი მონეტა ქართულ ლიტერატურაში. გარდა ბრწყინვალე თარგმანებისა, მან დატოვა ორიგინალური პოეტური შემოქმედება, რომელშიც შერწყმულია რეფლექსია და სიტყვის ფლო ბის სრულიად ახლებური უნარი, პროსოდიის მართვის სრუ- ლიად ორიგინალური ტექნიკა. მან მოგვცა პოეტური ჰარმონიისა და აზრობრივი სიმეტრიის ქრესტომატიული მაგალითები. ქმნიდა ისეთ ტექსტებს, რომელთა მსგავსი მანამდე წარმოუდგენელი იყო. მასში იყო სრულყოფილებისაკენ სწრაფვის თანდაყოლილი ენერგია, რომელიც მის გამორჩეულობას ადასტურებდა.

განსაცვიფრებელი გახლდათ მისი ლიტერატურული აზროვნების სიღრმე, ესთეტიკური დახვეწილობა, ინტუიცია, ინდივიდუალისტური ხასიათი. მის მიერ თარგმნილი პოეტური ტექსტები საკულტო თაყვანისცემის საგნად არის ქცეული. ამავე დროს, შეუდარებელია იგი, როგორც ლიტერატურის კრიტიკოსი და ქართული კლასიკური ლექსის კომენტატორი.

იგი დროისა და სივრცის საზღვრებიდან გადიოდა და მეტაფიზიკაში ქმნიდა შედევრებს, რომლებიც, მიუხედავად დიდი პოპულარობისა, ჯერ კიდევ რჩება შეუცნობელ, დიდი სიღრმეების დამტევ ფენომენად.