ჩასაშენებელი ქურის ზედაპირი

შეარჩიე ჩასაშნებელი ქურის ზედაპირი ექსტრაზე

ქურის ზედაპირი ერთ-ერთ ყველაზე მნიშვნელოვან ტექნიკას წარმოადგენს თანამედროვე სამზარეულოში. ის არა მხოლოდ ფუნქციონალურობას უზრუნველყოფს, არამედ

 სამზარეულოს დიზაინსა და სტილსაც მნიშვნელოვნად განაპირობებს. ამ ყველაფრის პარალელურად, ქურის ზედაპირის სწორად შერჩევა ბევრი ფაქტორის გათვალისწინებას

 მოითხოვს. ამ სტატიაში განვიხილავთ, როგორ შევარჩიოთ ქურის ზედაპირი სწორად და დაგეხმარებით ინფორმირებული გადაწყვეტილების მიღებაში.

როგორ შევარჩიოთ ქურის ზედაპირი

გინდა იცოდე რა უნდა გაითვალისწინო ქურის ზედაპირის შერჩევისას? ქურის ზედაპირი, იდეალურად უნდა ჯდებოდეს შენი სამზარეულოს სივრცეში და აკმაყოფილებდეს

 შენს ყველა მოთხოვნას.

არსებობს სხვადასხვა ტიპის ზედაპირები, მათ შორის არის გაზის, ელექტრო და ინდუქციური მოდელები. თითოეულ მათგანს თავისი უპირატესობები გააჩნია და 

არჩევანის გაკეთებისას, მნიშვნელოვანია, გაითვალისწინო ენერგოეფექტურობა, უსაფრთხოება და მარტივი მოხმარება.

ყურადღება მიაქციე ისეთ ტექნიკურ დეტალებს, როგორებიცაა:

1. ზედაპირის მასალა

უჟანგავი ფოლადი: გამძლეა და მარტივად იწმინდება, თუმცა მის ზედაპირზე ხილული ხდება თითის ანაბეჭდები და ნაკაწრები.

მინა-კერამიკა: ესთეტიკურად ძალიან მიმზიდველია და თანამედროვე ეფექტს ანიჭებს სამზარეულოს, თუმცა, უფრო ფრთხილად უნდა იყოთ მძიმე ქვაბებთან, რომ არ გაიბზაროს.

ემალირებული მეტალი: კლასიკური არჩევანია, რომელიც გამძლეა და მარტივად იწმინდება, თუმცა შეიძლება ნაკაწრების მიმართ მგრძნობიარე იყოს.

2. წვის ტიპი

გაზის ზედაპირი: გთავაზობთ უკეთეს კონტროლს, სწრაფ გათბობას და უფრო ზუსტ ტემპერატურას, რაც განსაკუთრებით მოსწონთ პროფესიონალ მზარეულებს.

ელექტრო ზედაპირი: უფრო სტაბილური და თანაბარი გათბობა, ნაკლები უსაფრთხოების რისკით, რადგან არ არის ღია ცეცხლი.

ინდუქციური ზედაპირი: ყველაზე ენერგოეფექტური ვარიანტია, რადგან თბება მხოლოდ ტაფის ან ქვაბის ძირი და არა მთლიანად ზედაპირი.

3. ქურის ზედაპირის ზომა და წვის წერტილების რაოდენობა

ქურის ზომები ძირითადად მერყეობს 60 სმ-დან 90 სმ-მდე, მაგრამ, საჭიროების შემთხვევაში, შესაძლებელია, უფრო კომპაქტური ან დიდი მოდელებიც შეიძინო.

კომფორების ანუ წვის წერტილების რაოდენობა (burners) არის 3, 4 ან 5. დიდი ოჯახებისთვის ან პროფესიონალური სამზარეულოსთვის, 4-5 წერტილი უფრო კომფორტული იქნება.

4. ენერგოეფექტურობა

ინდუქციური ზედაპირები ენერგიის, მინიმუმ, 90%-ს პირდაპირ ტაფის ქვედა ნაწილში გადასცემს, რაც მაქსიმალურ ეფექტურობას უზრუნველყოფს.

გაზის ზედაპირები უფრო ნაკლებად ენერგოეფექტურია, თუმცა სწრაფად გათბობის უპირატესობა აქვთ.

5. უსაფრთხოების მახასიათებლები

ავტომატური გათიშვის ფუნქცია: ინდუქციურ ზედაპირებზე ტემპერატურა ავტომატურად ითიშება, როცა ტაფას ან ქვაბს გადადგამ.

ბავშვისგან ბლოკირება: ეს მექანიზმი ხელს უშლის ზედაპირის შემთხვევით ჩართვას.

ზოგიერთ მოდელს აქვს გაზის მიწოდების, ავტომატურად, შეჩერების ფუნქცია, თუ ცეცხლი შემთხვევით ჩაქრება.

6. კონტროლის ტიპი

მექანიკური კონტროლი: ყველაზე გავრცელებული და მარტივი მართვის მეთოდია. ღილაკები ან ჩამრთველები საშუალებას იძლევა სწრაფად დაარეგულირო ტემპერატურა.

ციფრული, სენსორული კონტროლი: ეს უფრო თანამედროვე ვარიანტია, რომელიც ესთეტიკურადაც ლამაზია და ისეთ დამატებით ფუნქციებსაც გვთავაზობს, როგორიცაა 

ტაიმერები და ზუსტი ტემპერატურის დაყენება.

7. გაწმენდის სიმარტივე

კერამიკული და ინდუქციური ზედაპირები უფრო მარტივად იწმინდება, რადგან მათ ზედაპირებზე საკვები ნაკლებად ეკრობა.

8. გათბობის სიჩქარე

ინდუქციური ზედაპირები ყველაზე სწრაფი გათბობით გამოირჩევიან, რაც დროს მნიშვნელოვნად დაგიზოგავს

გაზქურის ზედაპირის ტიპები და მათი უპირატესობები

გაზქურის ზედაპირი ყველაზე ტრადიციული და პოპულარული ვარიანტია. ის სწრაფად ცხელდება და მარტივად სამართავი პანელი აქვს. გაზქურის ზედაპირები ერთნაირად

 პოპულარულია როგორც მოყვარულ, ისე პროფესიონალ მზარეულებში.

ფუნქციურობის პარალელურად, ჩასაშენებელი გაზქურის ზედაპირები კომპაქტური და ესთეტიკურად მიმზიდველია. როგორც წესი, ისინი სამზარეულოს დიზაინს იდეალურად

 ერწყმის. გაზის ზედაპირები გამოირჩევა მაღალი გამძლეობითაც.

რაც შეეხება სხვა ვარიანტებს, ჩასაშენებელი ელექტრო ქურის ზედაპირი განსაკუთრებით მათთვის არის კარგი არჩევანი, ვინც ეძებს სტაბილურ და თანაბარ გათბობას. 

ის გაცილებით უსაფრთხოა, რადგან არ საჭიროებს ღია ცეცხლს, რაც ზოგჯერ გაზის ზედაპირებთან დაკავშირებული რისკების შემცირებას უწყობს ხელს.

ინდუქციური ზედაპირი თუ გაზის ზედაპირი?

ინდუქციური ზედაპირი ტექნოლოგიურად განვითარებული მოდელია, რომელიც მაღალი ენერგოეფექტურობით გამოირჩევა. ის ელექტრომაგნიტურ ინდუქციას იყენებს, რაც

 მხოლოდ ქვაბის ან ტაფის ქვედა ნაწილს ათბობს, ამით კი ენერგიის ხარჯი საგრძნობლად მცირდება. მიუხედავად იმისა, რომ ეს ზედაპირები უფრო ძვირია, მათი მოქნილობა 

და უსაფრთხოება ბევრს მოსწონს. გაზის ზედაპირი, თავის მხრივ, მეტ კონტროლს სთავაზობს მომხმარებელს და უფრო სწრაფ გაცხელებას უზრუნველყოფს.

რომელი ბრენდის გაზქურის ზედაპირი ჯობია: BOSCH, MIDEA, GORENJE

BOSCH ცნობილია თავისი მაღალი ხარისხითა და ინოვაციური ტექნოლოგიებით. ბოშის ჩასაშენებელი გაზქურა გამოირჩევა ელეგანტური დიზაინით და შესანიშნავი ფუნქციებით. 

მისი პროდუქტები მაღალი ეფექტურობით და საიმედოობით გამოირჩევა, რაც BOSCH-ის მომხმარებლებისთვის პრიორიტეტულია.

MIDEA გთავაზობს ბიუჯეტურ, მაგრამ ხარისხიან ვარიანტებს. ამ ბრენდის ჩასაშენებელი გაზქურის ზედაპირები გამოირჩევა პრაქტიკული ფუნქციებით და თანამედროვე დიზაინით, 

რაც MIDEA-ს იდეალურ ვარიანტად აქცევს  ყოველდღიური სამზადისისთვის.

GORENJE ცნობილია თავისი გამორჩეული სტილითა და ინოვაციებით. GORENJE-ს ჩასაშენებელი ელექტრო ქურის ზედაპირები საკმაოდ ენერგოეფექტურია. როგორც წესი, მის 

მოდელებს აქვს მრავალფუნქციური კონტროლის სისტემები, რაც სამზარეულოში მეტ კომფორტს და უსაფრთხოებას უზრუნველყოფს.

სად შეგიძლია იყიდო ქურის ზედაპირი იაფად

ექსტრაზე, შენი ბიუჯეტის გათვალისწინებით, შეგიძლია, მარტივად შეიძინო გაზქურის ზედაპირი იაფად. ამისთვის, ექსტრა ყოველთვის გთავაზობს სპეციალურ ფასდაკლების აქციებს

 და განსაკუთრებულ შეთავაზებებს.

ექსტრაზე ქურის ზედაპირი განვადებითაც შეგიძლია იყიდო. ამისთვის, უნდა აირჩიო 4 ბანკიდან შენთვის სასურველი: საქართველოს ბანკი, თიბისი ბანკი, ტერა ბანკი ან კრედო, 

შეავსო მარტივი ონლაინ განვადების განაცხადი და დაელოდო პასუხს.

ქურის ზედაპირი ადგილზე უფასო მიწოდების სერვისით ექსტრას ერთ-ერთი გამორჩეული სერვისია. შეიძინე სახლიდან გაუსვლელად და მიიღე, ასევე სახლიდან გაუსვლელად, 

საქართველოს მასშტაბით, შენთვის სასურველ ნებისმიერ მისამართზე.