საინვესტიციო გურუ უორენ ბაფეტს ბევრი უწოდებს „მხედველს“. თავად ბაფეტი ამბობს, რომ ბაზრის ქცევის პროგნოზირება უაზროა და მხოლოდ მოთმინება, ეკონომიურობა და პრინციპებისადმი ერთგულება დაეხმარება გრძელვადიან წარმატებას. მან შეინარჩუნა ეს პრაგმატული მიდგომა მისი პირველი პარტნიორობის, Buffett Partnership Limited (BPL) 1956 წელს ჩამოყალიბების შემდეგ. სწორედ მაშინ დაიწყო ახალგაზრდა ბაფეტმა პარტნიორებისთვის წერილების გაგზავნა ყოველ ექვს თვეში ერთხელ, სადაც ისაუბრა თავისი მუშაობის შედეგებზე და დეტალურად განმარტა მისი ინვესტიციის მეთოდები. ბაფეტი არ წერს წიგნებს, მაგრამ მისი წერილები პარტნიორებისთვის, რომლებიც ამ პუბლიკაციაშია თავმოყრილი, ასახავს დიდი მეწარმის აზროვნებასა და ინვესტიციის ფილოსოფიას.